بین الاقوامی سطح پرانجام دی جانے والی علمی تحقیقات کا مقصد حضرت امام علی رضا(ع) کے نام اور پیغام کو فروغ دینا ہے 

آستان نیوز کی رپورٹ کے مطابق؛ آستان قدس رضوی کے ادارہ بین الاقوامی امور نے حضرت امام علی رضا علیہ السلام کے نام اور پیغام کو عالمی سطح پر فروغ دینے کے مقصد سے 2025 میں ایک منظم تحقیقی لائحہ عمل کے تحت قومی سطح پر ریسرچ کال دی جس میں آستان قدس رضوی کے مختلف شعبہ جات کی تحقیقی ضروریات کو مد نظر رکھتے ہوئے بین الاقوامی سطح کی تحقیق کے لئے 27 ابتدائی تجاویز دریافت کیں ۔ 
ان تجاویز کی متعلقہ شعبوں کی جانب سے بین الاقوامی تحقیقاتی گروپ کے فریم ورک میں منعقدہ چھے اجلاسوں کے دوران جانچ پڑتال کی گئی ،ان اجلاسوں کو آستان قدس رضوی کی اسلامک ریسرچ فاؤنڈیشن کی نگرانی میں منعقد کیا گیا جن میں یونیورسٹیوں کے تحقیقی معاونین اور ریسرچ سینٹرز کے ممتازمنتظمین نے شرکت کی۔ 
ان اجلاسوں کے اختتام پرآستان قدس رضوی کے بین الاقوامی اسٹریٹجک اہداف سے ہم آہنگ گیارہ بہترین تجاویز کو منتخب کیا گیا اور پہلے مرحلے میں ان تجاویز میں سے پانچ ترجیحی تحقیقی موضوعات کے لئے دستاویز(REP) تیار کی گئی اورملک کے علمی و تحقیقی مراکز کو انٹرنیٹ کے ذریعہ پرپوزل اکھٹی کرنے کے لئے ریسرچ کال دی گئی ۔
اس ریسرچ کال کو گذشتہ برسوں کی طرح رواں سال بھی تحقیقی اداروں اور تحقیقی مراکز کی جانب سے بھرپور پذیرائی ملی اور مجموعی طور پر مختلف تحقیقی مراکز سے 31 تحقیقی پرپوزلز موصول ہوئے ۔ 
فی الوقت تمام تحقیقی پرپوزلز کو جائزہ لینے والی کمیٹیوں کے سپرد کیا گیا ہے تاکہ ان کا باریک بینی سے جائزہ لینے کے بعد ان کی درجہ بندی کی جا سکےاور اس کے بعد ان منتخب پرپوزلز کا اگلا قدم یہ ہوگا  کہ ان پر تحقیقاتی ضروریات کو پورا کرنے اور حضرت امام علی رضا(ع) کے نام اور پیغام کو بین الاقوامی سطح پر فروغ دینے کے ہدف سے کام شروع کیا جائے گا۔